الأربعاء، 4 يونيو 2014

طرطية بالخضر سهلة

السلام عليكم
جبت ليكم طريقة طرطية في الفرن ساهلة و تتصلاح للعشاء مع سلطة خضراء او كمقبل فالغذاء
حاجتنا ف 3 بيضات + دانون مسوس + فلفلة + جلبانة + خيزو و بطاطس مربعات 

نصلقو بطاطا و خيزوو الجلبانة و نشويو الفلفلة و نقيوها و نقطعوها مربعات. نخلطو الخضر مع بعض و نديروهم ف مول مدهون بالزبدة

تنخلطو البيض + دانون مسوس + المعدنوس + الملح+ الكامون + الابزار+ التحميرة + شوية الفرماج الاحمر مبشور. انا جاني الخليط عاقد زدت شوية الحليب (اختياري)


تنخلطو هاذ العناصر و نصبوهم على الخضر و ندردرو شوية الفرماج الاحمر

تندخلو المول للفرن ساخن و نخليه يطيب واحد 20 دقيقة مرة مرة نطلو عليه.
و ها النتيجة

و هادي اول قطعة هدية مني لكم



مرسلة بواسطة في

ليست هناك تعليقات:

إرسال تعليق

الاشتراك في: تعليقات الرسالة (Atom)