الكيك مالح بالكفتة و خضيرة و زيتون
المقادير جد بسيطة و المتناول
1 خيزوة صغيرة محكوكة + 2 كورجيط محكوكين + 100 غرام كفتة + 3 معالق كبار زيت الزيتون + طريف بصلة صغير أنا 1 بصلة خضارية مقطعة رقيقة + زيتون أخضر + ملح + ليبزار
للكيك غادي نحتاجوا : 3 بيضات + 170 غرام فورص + كاس الزيت ناقص شوية + كاس حليب حتى هو ناقص شوية شي ضرس ثوم جد صغير + شوية ليبزار + قبصة ملح غي طريطيقة + 2 بكيات خميرة د الحلوى
الطريقة : كاندير دوك 3 معلقات د الزيت الزيتون فمقلة و نضيف عليه خيزو يتشحر شوية هو الكورجيط و البصلة شي 10 دقائق مع التحريك مرة مرة
ملي يدبالو شوية نزيد شوية د الملح و ليبزار ثم نزيد الكفتة و الزيتون
و نخليها حتى تشحر مزيان مزيان عاد نضفي عليها زهقات لي مصوتش هذا المرحلة و لكن غادي تشوفوها ملي نكون نخلط الكيك
دابة نبدا نوجد الكيك و نشعل الفران يسخن ندير 3 البيضات + ضريس صغير ديال الثوم محكوك
نخلط بالباطور اليدوي
نزيد الحليب و الزيت و أنا كانخلط كل مرة زدت شي حاجة نخلها مزيان
في الأخير نزيد الطحين و الخميرة
و نخلط مزيان حتى يولي الخليط بحال لي فالصورة
و من بعد نزيد خليط الخضر مع الكفتة كيف كاتشوفو و نخلط مزيان حتى تنساجم العناصر و نزيد طريطيقة د ليبزار و قبيصة ملح
ندهن مول الكيك بالزيت و نرش الطحين و نخوي لكيك و ندخلو يطيب درجة الحرارة 180 درجة شي 45 دقيقة
ها هي كاتجي لذيذة
ليست هناك تعليقات:
إرسال تعليق