الديسير مكون من تلاتة الطبقات الطبقة الاولى هي الكيك فيها جوج بيضات نص كاس زيت نص كاس سنيدة كاس فورص خمارة معلقة كاكاو العبار بالعنبة خلطو كلشي وديروه في مول ديال الساقطة مدهون بالزبدة دخلوه للفرن يطيب ندوزو للطبقة التانية فيها تلاتة دانون مسوس صفيو الما لي في الحكاك وديروه فيكاس وزيدو عليه الما حتى يوصل للنص وستة معالق نيدو خلطو كلشي وربعة معالق سكر خلطو مزيان وضيفوه على الكيك بعد ماتطيب وشعلو الفوق ديال الفران التحت لا طفيوه ودخلوه ينشف غيجمد شي 7دقايق في هاد الوقت نوجدو الطبقة التالتة لي فيها تلاتة كيسان الما جوج فلان شكلاط معلقة كبيرة نسكافي ربعة معالق سكر خلطو كلشي وغليوه وفاش نخرجو الكيك من الفران نتسناو خليط الشكلاط حتى يبرد ونخويوه فوق الخليط الابيض وندهلوها لفريكو تبرد وبالصحة والراحة
